第一晚我知佢真係好痛好痛, 我幫佢包紗布佢不停咁郁, 包完佢走左入床下底唔肯出嚟, 我地都冇勉強佢, 跟住佢成晚訓床下底。 跟住第二日佢包住隻腳都走去後院捉飛飛, 因為我見塊紗布底都係泥, 但佢見我地返屋企又即時吊起隻腳行喎。

我每日同佢用SG搽傷口跟住包紗布, 情況幾好, 本來已經生返層薄甲出嚟, 點知今日同細佬玩玩下又俾細佬踩爆, 又要等佢再生過喇。

其實正常情況佢係唔可能插隻手指入去個細孔度架, 今次我唔在場, 只係聽屋企人講, 都唔知到底係點發生, 不過依家士兵妹都唔敢再去衝閘喇。